Мемлекет басшысы Еуропа қайта құру және даму банкінің президенті Сума Чакрабартимен кездесті

Хабар 24. Бүгiн Елбасы Еуропа қайта құру және даму банкiнiң президентi Сума Чакрабартимен кездестi. Кездесу шетелдiк инвесторлар кеңесiнiң пленарлық отырысы басталмас бұрын өттi. Тараптар инвестициялық әрiптестiк пен бiрлескен жобаларды iске асыру барысын талқылады. Мемлекет басшысы бүгiнде банк елiмiздегi орта және шағын бизнес саласындағы инфрақұрылымдық жобаларға көптеп инвестиция құйғанын атап өттi. Бұл ретте экономикалық ынтымақтастықты одан әрi дамыту керектiгiне мән бердi. Ал Сума Чакрабарти қызу жұмыс кестесiне қарамастан, кездесуге уақыт бөлгенi үшiн Нұрсұлтан Назарбаевқа алғысын жеткiздi. Былтыр Еуропа қайта құру және даму банкi елiмiзге 1,1 миллиард доллар инвестиция құйды. Осы орайда тараптар ұйыммен жасасқан кеңейтiлген әрiптестiк келiсiмi жөнiнде де пiкiр алысты.

Нұрсұлтан Назарбаев, Қазақстан Республикасының Президентi: -Мы хорошо друг друга знаем. Банк с Казахстаном сотрудничает давно. Банк вложил серьезные деньги для малого и среднего бизнеса, для наших инфраструктурных проектов. Хочу услышать, какие дальше ваши планы.

Сума Чакрабарти, Еуропа қайта құру және даму банкiнiң президентi: -Сiздер Астана экономикалық форумын өткiздiңiздер. ЭКСПО көрмесiн ұйымдастырдыңыздар. Мiне, бүгiн шетел инвесторларының кеңесi өтiп жатыр. Сондықтан жұмысыңыздың көптiгiне қарамастан, менiмен кездесiп отырғаныңыз үшiн алғысым шексiз. ЭКСПО көрмесi Қазақстанның халықаралық аренадағы имиджiн көтеруге септiгiн тигiзедi. Сiздердiң елдерiңiздiң зор әлеуетiн әлемге паш ететiндiгiне сенiмдiмiн.

Ал кездесу соңында Энергетика министрi Қанат Бозымбаев Мемлекет басшысына «Болашақ энергиясы» жобасының үлгiсiн таныстырды. Айта кетейiк, шетелдiк инвесторлар кеңесi осымен 30-шы рет өтiп отыр. Бұл жолғы жиынның көздегенi — инвесторларды энергетика саласына, соның iшiнде энергия өндiрудiң жаңа жолдарын iздестiруге шақыру. Соңғы уақытта Қазақстан баламалы қуат көздерiн дамытуды қолдайтын ел ретiнде кеңiнен танылып жүр. Сондықтан келелi отырыста қаржыны таза энергетиканы жетiлдiруге және экологияны сақтауға негiзделген жобаларға бағыттау, жаңашыл бастамаларды қолдау жайы талқыланды. Кеңеске белгiлi компаниялардың басшылары мүше екенi белгiлi. Елбасының төрағалығымен өткен басқосуға 300-ден астам отандық және шетелдiк iскер азаматтар қатысып отыр.

Құрылған күні: 22.06.2017
Қаралым саны: 1756

Қаз Рус Eng