A- A A+
Ақмола облысының
ресми интернет-ресурсы
Ақмола облысында қауіпсіз аймаққа көшірілген 307 адам өз үйлеріне оралды

Облыстағы су тасқынының жағдайы өте күрделi, әсiресе 16-17 сәуiрде өңiрде дағдарысты жағдай туындады.

Жалпы облыстың 12 ауданында 35 жол торабын су басып, 34 елдi мекен судан зардап шегуде. Оларда 888 үй мен 1250 аулалық аумақ су астында қалып, 2403 тұрғын мен 2206 жануар қауiпсiз жерлерге көшiрiлдi. Адамдар мен мал шығыны тiркелмеген.

Бүгiнгi күнi 318 үй қалпына келтiрiлiп, қауiпсiз аймаққа көшiрiлген 307 адам өз үйлерiне оралды. 1619 адам эвакуациялау орындарында және туыстарының үйiнде қалып отыр.

Авариялық-құтқару және шұғыл-жәрдем қызметтерiне 1055 адам мен 263 бiрлiк техника, 11 жүзу құралы жұмылдырылған.

Алдын-ала жүргiзiлген ескерту iс-шаралары кешендерiне қарамастан Сандықтау және Атбасар аудандарында Жабай өзенi деңгейiнiң көтерiлуiне байланысты 17 сәуiр төтенше жағдай режимi жарияланған.

Аталмыш аудандардың 9 елдi-мекендерiнде су деңгейi қауiптi бағаннан 1-2 метр асты (мұндай апат 1964 жылы болған). Атбасар қаласындағы жағдай мұнан да күрделiрек. Онда су деңгейiнiң көтерiлуi, (күрделi 3,45 болып саналады, ал қазiр ондағы баған 6,1 метрдi көрсетуде) жаңбыр және желдiң кесiрiнен жағдай одан әрi ушығып, қорғаныс бөгетi 4 жерден шайылып кеткен. Салдарынан 400 үй судан зәбiр шегiп, 1370 адам қауiпсiз аймаққа көшiрiлдi. Еске сала кетейiк, бұл жерде судың қауiптi деңгейi 2,5 метрге дейiн көтерiлдi, бұл деңгей 2014 жылғымен салыстырғанда 80 сантиметрге жоғары, ол кезде 567 үй су астында қалған.

Нұра өзенiндегi ағынды суды апатсыз және кедергiсiз ағызып жiберу үшiн, мұз кептелiсiн жұмсарту мақсатында жару жұмыстары жүргiзiлдi. Бүгiнгi күнi Целиноград ауданының 4 елдi мекенiнде (Семеновка, Қараөткел, Қоянды, Талапкер) қар суын сору бойынша жұмыстар жалғасуда.

Семеновка ауылына Шортанды ауданының Колутон өзенiнен құйылып жатқан ағынды суды кедергiсiз өткiзу үшiн, су өткiзу каналы (600 м) қазылған. Мұнда су тасқынынан 3 үй, 8 аула зардап шегiп, 6 адам уақытылы қауiпсiз аймаққа көшiрiлген.

Жалпы, облыста су тасқынынан сақтандыру және оны азайту, шығынды болдырмау бойынша барлық шаралар қолданылуда. Бүгiнде өңiрдегi су тасқыны жағдайын бақылау мақсатында құрылған облыстық штаб аймақты әуеден бақылауда.

 

 

Мақаланың шыққан күні: 18.04.2017
Қаралым саны: 297
@2017 Ақмола облысының ресми интернет-ресурсы
Яндекс.Метрика

Пошталық мекенжайы:

Телефон:

Факс:

Электрондық пошта адресі:

Қазақстан Республикасы, Ақмола облысы, Көкшетау қаласы, Абай көшесі, 83,
индексі: 020000

8 (7162) 29-72-71, 29-72-51, 29-72-49, 29-72-43, 29-72-44

8 (7162) 29-73-10

akim@akmo.kz

Мемлекеттік қызметтерді көрсету мәселелері бойынша келесі телефондар бойынша хабарласуға болады: 8 (7162) 29-72-25, 29-72-54, 29-72-23