A- A A+
Ақмола облысының
ресми интернет-ресурсы
Көкшетауда Наурызды тойлау қайырымдылық шараларынан бастау алды

Бүгiн облыс орталығының тұрғындары мен қонақтары үшiн Көкшетау қаласының «Алтын Ғасыр» сауда үйiнiң алдында Наурыз мерекесiне орайластырылған көктемгi жәрмеңке өттi.

Шараға Ақкөл, Атбасар, Еңбекшiлдер, Сандықтау аудандарының ауыл шаруашылығы тауар өндiрушiлерi мен Көкшетау қаласының кәсiпорындары қатысты.

Жәрмеңкеде азық-түлiк өнiмiнiң 55 түрi ұсынылды. Атап айтқанда: ет және ет өнiмдерi — 12,5 тонна, ұн — 20 тонна, картоп — 19 тонна, көкөнiс-жемiстер — 14 тонна, жарма өнiмдерi — 10 тонна, қант — 5 тонна, өсiмдiк майы — 12,2 мың литр, астық қалдықтары — 14 тонна, шөп — 14 тонна. Жалпы осы күнi 94,6 млн. теңгенiң өнiмi сатылды.

«Тұрғындар үшiн мерекелiк дастарханға ең сапалы әрi қолжетiмдi тауарлар ұсынылуда. Олардың құны базардағы бағадан 15-20 % төмен. Осыған ұқсас жәрмеңкелер облыстың өзге де аудандары мен Степногорск қаласында да өтетiн болады», — дедi Ақмола облысы әкiмiнiң орынбасары Егор Каппель шара барысында.

Егор Яковлевич сондай-ақ ақмолалықтарды келе жатқан мерекелерiмен құттықтады: «Отбасыларыңызға амандық тiлеймiн! Наурыз мейрамы құтты болсын! Ақ мол болсын!» дедi.

Сондай-ақ, жәрмеңке барысында Ақкөл аудандық әкiмдiгiнiң өкiлдерi тұрмысы төмен азаматтарға арнап азық-түлiк пакеттерiн үлестiрдi. Ал Атбасар аудандық әкiмдiгi «Қазақ соқырлар қоғамы» ҚБ-на бiрнеше қап ұн, макарон өнiмдерi мен жарма тапсырды.

Айта кетейiк, биыл Қазақстан Халқы Ақмола Ассамблеясы Наурыз мейрамын мерекелеу аясында «Қайырымды Ел — 2017» республикалық қайырымдылық акциясына қатысқан болатын. Аукцион қорытындысы бойынша 1,3 млн. теңгеден астам қаражат жиналып, бұл сомма үш сәби мен екi ересек азаматтың емделуi үшiн жолданды.

Мақаланың шыққан күні: 18.03.2017
Қаралым саны: 666
@2017 Ақмола облысының ресми интернет-ресурсы
Яндекс.Метрика

Пошталық мекенжайы:

Телефон:

Факс:

Электрондық пошта адресі:

Қазақстан Республикасы, Ақмола облысы, Көкшетау қаласы, Абай көшесі, 83,
индексі: 020000

8 (7162) 29-72-71, 29-72-49, 29-72-43, 29-72-44

8 (7162) 29-72-98

akim@akmo.kz

Мемлекеттік қызметтерді көрсету мәселелері бойынша келесі телефондар бойынша хабарласуға болады: 8 (7162) 29-72-25, 29-72-54, 29-72-23