Қазақстан Республикасының «жасыл экономикаға» көшуі жөніндегі шараларын іске асыру бойынша жергілікті атқару органының қызметі туралы ақпарат

Тұжырымдамаға сай «Қазақстан-2050» Стратегиясына сәйкес Қазақстанның «жасыл экономикаға» көшуi әлемдегi ең дамыған 30 мемлекетiнiң қатарына қосылуы бойынша қойылған мақсатқа қол жеткiзу мүмкiндiгiн қамтамасыз етедi.

Ақмола облысының аумағында жаңартылатын энергия көздерiн пайдалану, ресурсты үнемдеу және шығарындыларды азайтуға бағытталған жобалар iске асырылуда.

Iрi жобалардың бiрi — Ерейментау ауданының аумағында салынған 45 МВт қуатымен «Бiрiншi жел электр станциясы». Бұл кәсiпорын 2015 жылғы 3-тоқсанда iске қосылды.

2015 жылғы электр энергиясын өндiру 78,9 млн. кВт/ сағ., 2016 жылы кәсiпорынмен өндiрiлген электр энергиясы 141,7 млн. кВт / сағ. құрады, бұл Ақмола облысында дәстүрлi көздерден жалпы өндiрiлген электроэнергияның — 17%. 2017 жылдың 9 айында 2 млрд. 969,2 млн. теңге сомасына 123,5 млн. кВт/сағ өндiрiлдi.

Жаңа жасыл технология ауыл шаруашылығы құрылымдары саласында да қолданылады, 2013 жылы Целиноград ауданында орналасқан «Родина» агрофирмасы» ЖШС қуаты 750 кВт/сағ. электр энергиясын өндiру бойынша жел қондырғысы iске қосылды. 2015 жылы жел қондырғыларымен1,4 млн. кВт/сағ өндiрiлдi, 2016 жылы — 1,3 млн. кВт/сағ, 2017 жылғы 9 айдың iшiнде 996,6 мың кВт/сағ.алынды. Алынған электр энергиясы ЖШС-ның өндiрiстiк қуатына жiберiледi.

Ақмола облысы Аршалы ауданының Арнасай кентiнде орналасқан жасыл технологиялар орталығы «жасыл экономиканың» екiншi маңызды жобасы болып табылады. «Жасыл» технологияларды бiр жыл қолданғанда ақшалай мәнiнде 1,2 млн. теңгеден астам жалпы үнемдеуге қол жеткiзiлдi. Күннiң су жылытқышын пайдалану есебiнен Орталық 100% ыстық сумен қамтамасыз етiлдi. Күн сайын күн энергиясы 1000 л су жылытады және жыл бойы 32 мың кВт электр энергиясы үнемделдi. Пиролиз қазандықтарын қолдану есебiнен көмiр шығындары 40%-ға төмендедi, су үнемдеу кешендi технологиялары су пайдалануды 75% төмендетуге мүмкiндiк бердi. Сыртқы және iшкi жарық диодты жарықтандыруларды қолдану электр энергияның шығындарын 50% төмендеттi. Вячеслав орта мектебi бiр жылда пиролиз пештерi мен жарықдиодты жарықтандыру есебiнен 3 млн. теңге үнемдегенiн атап өту қажет.

Сонымен қатар, Орталықта «жасыл» кәсiптердi игеру үшiн және кәсiпорындардың энергия тиiмдiлiгiн арттыру мақсатында, бюджеттiк ұйымдардың қызметкерлерiн, кәсiпкерлердi, фермерлер мен жұмыссыздарды оқыту жұмыстары ұйымдастырылды, «жасыл экономика» бойынша лекциялар оқылады.

Елiмiздiң әр түрлi санаттағы тұрғындарының «жасыл» экономикамен «жасыл» технологиялар жөнiнде жүйелi бiлiм алуы, энергия және су үнемдеу технологияларын пайдалану iс-тәжiрибелерiмен танысуы және тәжiрибе алуы, Орталықтың оқу-әдiстемелiк кешен ретiндегi негiзгi мiндетi болып табылады.

Нақты демонстрациялық объектiлерiнде ең тиiмдi технологиялары энергия үнемдеу және органикалық ауыл шаруашылығы саласында, қазiрдiң өзiнде елде iске асырылған жоба бойынша кiшi энергетика бойынша тираждау, энергиялы тиiмдi жылыту және жарықтандыру, туризм, «жасыл» құрылыс, қалдықтарды кәдеге жарату және басқа да бағыттар бойынша оқыту жұмыстары ұйымдастырылды.

Орталықтың жалпы көлемi 1 050 шаршы метрдi қамтиды, оқу сыныбы, 30 төсек-орынды қонақ үйi, асхана, фитодиодты жылыжай және күн биовегетарийi (жаңа буындағы жылыжай) бар. Бұл орталықта соңғы ондаған инновациялық «жасыл» технологиялардың қалай қолданылатынын көруге болады: пиролиздiк жылу, күн батареялары және коллекторлар, жарықдиодты және фитодиодты жарықтандырулар, энергия тиiмдi сорғылар және т. б.

Академияның аумағында ресей ГринПик компаниясының жобасы бойынша поликарбонаттан үлкен жыл бойы iстейтiн биовегетарий- жылыжайы салынды, жертөледегi жылыжайда өсiмдiктер өсiру мен тамшылатып суару жүйесiн жақсартатын фитодиодты шамдарымен жабдықталған. Сонымен қатар, АҚШ-тан алынған технологиялар бойынша арнайы дәрменделген жасыл екпелердi өсiру үдерiсi iске қосылды.

Мұнда сондай-ақ, жұмыста белсендi түрде AstanaSolar зауытының күн құдық — өткiзгiшi, күн фотопанелi, жылыту үшiн түтiн шықпайтын су жылытатын пиролиздiк (газгенераторлық) қазандықтары пайдаланылады. Органикалық қалдықтарды кәдеге жарату үшiн отандық биогаз қондырғысы, жылу сорғышпен алынатын жер асты жылу аккумуляторы жинақталуда.

Құрылған күні: 14.04.2015 17:18
Жаңартылған күні: 27.02.2018 09:41
Қаралым саны: 2500

Қаз Рус Eng