A- A A+
Ақмола облысының
ресми интернет-ресурсы
Мәдениет

Ақмола облысы мәдениет саласының 2014 жылғы әлеуметтік- экономикалық дамуының нәтижелері және 2015 жылғы міндеттері туралы анықтамасы

Мәдениет. 2015 жылдың 1 қантарына қарасты Ақмола облысында 676 мемлекеттік мекеме мен кәсіпорын қызмет етеді: 278 клуб, 382 кітапхана, 11 музей, 2 театр, облыстық филармония, облыстық халық шығармашылық және мәдени-демалыс орталығы, тарихи-мәдени мұраны қорғау және пайдалану орталығы жұмыс істейді.

Мәдениет саласын қаржыландырудың көлемі 2014 ж. 3,1 млрд. теңгені құрады, оның ішінде облыстық бюджет - 880,8 млн.теңге, аудандық - 2,2 млрд. теңге. Оның ішінде клубтар бойынша 1,3 млрд. теңге, кітапханалар бойынша - 538,4 млн.теңге.

2014 жылда облыстық мәдениет кәсіпорындары мен мекемелері бойынша қаржыландыру жоспары 1,1 млрд. теңгені құрады, немесе 100 % игерілді .

Моноқалаларды орнықтыру мәселелерін шешуге облыстық бюджеттен жалпы сомасы 22,2 млн теңге қарастырылды, 100 % игерілді: сомасы 7,6 млн. теңгеге Шаңтөбе кентіндегі МҮ-нің төбе жабындысына және сомасы 14,6 млн. теңгеге Ақсу кентіндегі МҮ-нің төбе жабындысы мен қасбетіне күрделі жөндеу жұмыстары жүргізілді.

Облыста 2014 жылы барлығы 40 мыңнан астам іс-шара өткізілді.

Биылғы жылдың бірінші жарты жылдығында «Биле жастық», «Күмбірле домбыра, шырқа сырнай» фестивальдері, Италиядан келген әртістермен бірге «Көкшетау – тал бесігім» музыкалық фестивалі сияқты ірі іс-шаралар өтті.

Біржан салдың, Үкілі Ыбырайдың, Ақан серінің әндерін орындаушылардың «Ата мұра» байқауы, күйшілердің арасында «Күмбірле домбыра», «Ақмола жұлдыздары» көркемөнерпаз байқаулары өтті.

Биылғы жылдың 14 наурызында Бірінші Президенттің Мұражайында Ақмола облысы музейлер қорынан «Ақмола: тарих тоғысындағы өлке» көрмесінің ашылуы болды. Облыстық музей фарфор және фаянстан жасалған бірегей топтамасын ұсынды. Көрмеге 19 ғ. соңы 20 ғ. басындағы өндірістерінің ыдыстары ұсынылды, және Көкшетау қаласы Тарихи мұражайы мен әдебиет және өнер мұражайы қорының экспонаттары ұсынылды.

«Ақмола жұлдыздары» атты халық шығармашылығының облыстық байқауына дәстүрге айналды, оған облыстың 217 ауылдық аймағынан 12 мың адам қатысты. Биыл «Достық әні тербеткен, дархан далам!» ұранымен тың және тыңайған жерлерді игерудің 60 жылдығына арналған «Ақмола жұлдыздары» халық шығармашылығының облыстық байқауына дайындық барысындағы ауқымды жұмыстар соңына жетті. Байқау жыл сайын өткізіліп, аймақтағы мәдениет саласының ең ірі және бұқаралық жобасы болып табылады.

Ол облысымыздың мәдени өмірінде лайықты орын алып, аймақ аралық шығармашылық тәжірибе алмасуға жақсы себеп болып отыр. Жыл сайын облыстық байқауға дайындық барысында көркемөнерпаздар әртістерінің қатарына жаңа ұжымдар мен орындаушылар қосылуда. Байқаудың гала-концерттерінде 9500 қатысушы өнер көрсетіп, 65 жаңа өнер ұжымдары және 86 жеке орындаушылар анықталды.

Үстіміздегі жылдың маусым айында мәдениет қызметкерлері Ақмола облысында Елбасының қатысуымен өткен инвесторлар кеңесіне және ШҰЫ қатысушыларымен өткен кездесуге орай этно ауыл ұйымдастырып, облыстағы кәсіби және көркем өнерпаз, қолданбалы өнер шеберлері қазақ халқының тұрмысын көрсетті. Театрландырылған іс-шараға 500 мәдениет қызметкері қатысты.

Ұлттық жыр өнерін дамыту мақсатында Балуан Шолақтың 150 жылдығына, Біржан салдың 180 жылдығына орай 19 қыркүйекте «Көкшетау» МС-да Балуан Шолақтың, Біржан салдың, Үкілі Ыбырайдың, Ақан серінің әндерін орындаушылардың «Ата мұра» байқауы өтті. Байқауға Жамбул, Шіғіс-Қазақстан, Павлодар, Солтүстік-Қазақстан, Қарағанды облыстарының және Астана қаласының өкілдері қатысты. Дулат Аханов (Қарағанды қ.) 1-орынға, ал Ақмола облысы Еңбекшілдер ауданынан Дәулет Мұхтархан «Гран-приге» ие болып, жеңімпаздар атанды.

Облыстық филармонияның ұжымдары 182 концерт өткізді, оған 28 002 адам келді.

2014 жыл ішінде театрларында 549 спектакль қойылды, оның 17-і жаңа қойылым, 67 183 көрермен қатысты.

2015 жыл қоғамдық-саяси және мерейтой даталарымен қазақ мемлекеттілігінің құрылуының 550 жылдығымен,ҰОС 70 жылдығымен, Кеңес Одағының батыры, ғалым, қоғам қайраткері М. Ғабдуллиннің, сондай-ақ жазушы, Абай атындағы мемлекеттік сыйлығының лауреаты И. Есенберлиннің 100 жылдығымен, Ассамблеяның және ҚР Конституциясының 20 жылдықтарымен белгіленген.

Мәдениет басқармасына облыстық бюджеттен салтанатты іс-шаралар өткізуге барлығы 28 млн теңге бөлу жоспарланған.

2015 жылдың 1-тоқсанына арналған міндеттер:

- «Нұрлы жол-болашақққа бастар жол» Н.Ә. Назарбаевтың Қазақстан халқына кезекті Жолдауын және Қазақстан Республикасының мәдени саясат тұжырымдамасын іске асыру бағытында мәдениет саласын дамыту;

- облыстағы мәдениет мекемелері мен кәсіпорындарының материалдық – техникалық базасын одан әрі нығайту;

- облыстық, республикалық курстар мен семинарларда оқыту арқылы мамандар даярлауды ұйымдастыру;

- мәдениет саласындағы қызмет көрсетудін сапасын арттыру;

- мәдениет пен өнер арқылы өскелең ұрпақты тәрбиелеуге бағытталған адами құндылықтарды және тұрғындардың салауатты өмір салтын қалыптастыру,

- мерекелік, мәдени көпшілік іс-шараларды сапалы және уақытылы өткізу.

- И.Есенберлин мен М.Ғабдуллиннің 100 жылдықтарына арналған мерекелік, мәдени-көпшілік іс-шараларды сапалы және уақытылы өткізу.

- Ұлы Отан соғысының 70 жылдығына арналған іс-шаралар.

Дата обновления статьи: 16.04.2015 17:49
@2017 Ақмола облысының ресми интернет-ресурсы
Яндекс.Метрика

Пошталық мекенжайы:

Телефон:

Факс:

Электрондық пошта адресі:

Көкшетау қаласы, Абай көшесі 83, индекс: 020000

8 (7162) 29-72-71, 29-72-51, 29-72-49, 29-72-43, 29-72-44

8 (7162) 29-73-10

akim@akmo.kz

Мемлекеттік қызметтерді көрсету мәселелері бойынша келесі телефондар бойынша хабарласуға болады: 8 (7162) 29-72-25, 29-72-54, 29-72-23