A- A A+
Ақмола облысының
ресми интернет-ресурсы
Ақмола облысының барлық деңгейдегi әкiмдерiнiң 2017 жылғы қаңтар-ақпандағы халыққа есеп беру кездесулерiнде айтылған ұсыныстарды жүзеге асыру жөнiндегi iс-шаралар жоспары

Ақмола облысының барлық деңгейдегi әкiмдерiнiң
2017 жылғы есеп беру кездесулерiн өткiзу туралы
ақпарат

«Орталық атқарушы органдар басшыларының, әкiмдердiң, ұлттық жоғары оқу орындары ректорларының халыққа есеп беру кездесулерiн өткiзу туралы» Қазақстан Республикасы Президентiнiң 2016 жылғы 5 ақпандағы № 190 Жарлығын орындау үшiн, ағымдағы жылғы 16 қаңтар мен 15 ақпан аралығында облыстың өңiрлерiнде барлық деңгейдегi әкiмдердiң халыққа есеп беру кездесулерi өткiзiлдi.

Қазақстан Республикасы Президентi Әкiмшiлiгiнiң ұсыныстарына сәйкес, облыстың 96 өңiрлiк БАҚ-тарында, облыс, аудандар мен қалалар әкiмдiктерiнiң сайттарында кездесулердiң өткiзiлетiн кестелерi, облыс, аудандар, Көкшетау және Степногорск қалалары, аудандық маңызы бар қалалар, кенттер, ауылдар мен ауылдық округтер әкiмдерiнiң тезистерi жарияланды және орналастырылды.

Облыс, аудан және қала әкiмдерiнiң аппараттарында сұрақтарды жинақтау үшiн «қауырт желi» телефоны ұйымдастырылды, олар пысықталды және әкiмдердiң есеп беру кездесулерiнiң барысында айтылды.

Әрбiр елдi мекеннiң қоғамдық орындарында кездесу өткiзiлетiн уақыты мен орны туралы хабарландыру орналастырылды, ұсыныстарды жинауға арналған арнайы жәшiктер орнатылды.

Күн сайын есеп беру кездесулерiнiң өткiзiлуiне мониторинг жүргiзiлдi, олардың нәтижелерi Қазақстан Республикасы Президентiнiң Әкiмшiлiгiне күн сайын ұсынылды.

Облыста 675 есеп беру кездесуi өткiзiлдi, оның iшiнде: ауылдық округтердiң құрамына кiретiн елдi мекендерде — 399 (шағын ауылдар), орталық елдi мекендерде — 256, қорытынды аудандық, облыстық маңызы бар қалалық кездесулер — 19, облыстық есеп беру кездесуi — 1.

Есеп беру кездесулерi Қазақстан Республикасы Президентiнiң Әкiмшiлiгiмен белгiленген мерзiмдерде және бекiтiлген кестелерге сәйкес өткiзiлдi.

Кездесулерге облыстың 70711 тұрғыны қатысты, ол облыста тұратын 18 жастан асқан тұрғындардың жалпы санынан 15,6% құрайды, 1075 адам сөз сөйледi, 681 ұсыныс енгiзiлдi, мемлекеттiк органдар басшыларының атына сыни ескертулер айтылған жоқ.

Есеп беру кездесулерiнде халықтың барынша жоғары белсендiлiгi Қорғалжын (қатысушылардың жалпы санынан 4,3%-ы сөз сөйледi), Аршалы (2,6%), Бурабай (2,4%), Атбасар және Ерейментау (1,8%), Еңбекшiлдер және Зерендi аудандарында (1,6%), Көкшетау (1,5%) қаласында, барынша азы Бұланды (0,4%), Сандықтау (0,7%), Егiндiкөл (0,8%), Жарқайың (0,9%) аудандарында, Степногорск (0,5%) қаласында байқалды.

Есеп беру кездесулерiнiң барысында тұрғындар тарапынан барынша көп ұсыныс түскен өңiрлер: Аршалы (89), Бурабай (61), Целиноград (57), Зерендi (56), Есiл (51) аудандары, айтарлықтай аз — Егiндiкөл (12), Атбасар (14), Бұланды (15), Астрахан (17) аудандары және Степногорск қ. (18).

Барлық 681 ұсыныс әлеуметтiк сипатта болды, экономикалық және саяси сипаттағы ұсыныстар келiп түскен жоқ.

Облыс тұрғындарын алаңдататын негiзгi мәселелер: абаттандыру, санитарлық және экологиялық ахуал — 100 (жалпы санынан 14,7%); электрофикациялау, газификациялау және телефонизациялау — 83 (12,2%); бiлiм беру, денсаулық сақтау және мәдениет объектiлерiн жөндеу және салу — 58 (8,5%); ауыз судың мәселелерi — 57 (8,4%); жолдарды жөндеу және салу — 52 (7,6%); жер қатынастары — 15 (2,2%); тұрғын үй мәселелерi — 7 (1%) және өзге де  — 309 (45,4%).

Шортанды ауданында халықтан келiп түскен ұсыныстардың жалпы санынан 52%, Еңбекшiлдер ауданында 50%, Қорғалжын ауданында 39,1%, Атбасар ауданында 35,7%, Бурабай ауданында 31,1%, Сандықтау ауданында 11%, Степногорск қаласында 33,3%-ы абаттандыру, санитарлық және экологиялық ахуал мәселелерiне қатысты болды.

Целиноград, Ақкөл және Қорғалжын аудандарында ұсыныстың 17,5%, Егiндiкөл ауданында 16,7%, Есiл ауданында 15,7%, Ерейментау ауданында 14,6%, Зерендi ауданында 14,3%, Атбасар ауданында 14,3%, Бурабай ауданында 10% ауыз су мәселесiне қатысты болды.

Елдi мекендердi электрофикациялау, газификациялау және телефонизациялау мәселелерi бойынша ұсыныстардың 29,4%-ы Астрахан, 27,3%-ы Сандықтау, 22,2%-ы Жарқайың, 21,7%-ы Ақкөл, 19,6%-ы Бурабай, 16,7%-ы Ерейментау аудандарынан келiп түстi.

Келiп түскен ұсыныстардың 33,3%-ы Егiндiкөл, 16,4%-ы Бурабай, 14,2%-ы Атбасар, 13,5%-ы Аршалы, 12,3%-ы Целиноград, 11,7%-ы Астрахан және Есiл аудандарында бiлiм беру, денсаулық сақтау және мәдениет объектiлерiн жөндеу және салу мәселелерiне қатысты болды.

Халықтан келiп түскен ұсыныстардың жалпы санынан Зерендi ауданында 16,1%, Астрахан ауданында 11,8%, Қорғалжын және Целиноград аудандарында 8,7%, Бурабай ауданында 8,2%, Көкшетау қ. 13,8%, Степногорск қ. 11,1%-ы жолдарды жөндеуге және салуға қатысты болды.

Есеп беру кездесуiнiң қорытындысы бойынша барлық 681 ұсыныс қаралды, 88 ұсыныс оларды iске асыру жөнiндегi өңiрлiк iс-шаралар жоспарына қосылды, 10 ұсыныс облыстық деңгейде қаралды, 583 ұсыныс бойынша есеп беру кездесуiнiң барысында түсiнiктеме берiлдi.

Есеп беру кездесулерiн өткiзу барысында БАҚ-тарда 606 ақпараттық материал жарияланды, оның iшiнде: республикалық басылымдарда — 16, өңiрлiк басылымдарда — 590.

Бұқаралық ақпарат құралдарында «Әкiмдердiң есеп берулерi», «Әкiмдер есеп бередi», «Халықпен сұғбаттасу» айдарлары ашылды, оларда халық есеп беру кездесуiнiң барысында көтерген барлық әлеуметтiк-маңызды мәселелер көрiнiс тапты.

Әкiмдердiң есептерi слайдтармен және фильмдермен сүйемелдендi. Кездесулерде көркемөнерпаздар ұжымдарының концерттерi, халық қолөнер шеберлерi туындыларының көрмесi, марапаттаулар, мерейтой иелерiне, сондай-ақ еңбекте және қоғамдық өмiрде ерекше көзге түскен тұрғындарға құрмет көрсету ұйымдастырылды.

Есеп беру кездесулерiне жергiлiктi атқарушы органдардың 3697 өкiлi қатысты.

7 есеп беру кездесуiне (Аршалы ауданы Ижевск ауылдық округi және Целиноград ауданы Родина ауылы әкiмдерiнiң, Астрахан, Атбасар, Зерендi, Сандықтау аудандары және Көкшетау қ. әкiмдерiнiң қорытынды есеп беру кездесулерi) Қазақстан Республикасы Президентi Әкiмшiлiгiнiң Мемлекеттiк инспекторы Қ.Б. Байымбетов қатысты.

Облыс әкiмiнiң есеп беру кездесуi а.ж. 15 ақпанда «Көкшетау» мәдениет сарайында өттi. Есеп беру кездесуiне Қазақстан Республикасы Бiлiм және ғылым министрi Е.К. Сағадиев, Қазақстан Республикасы Президентi Әкiмшiлiгiнiң Мемлекеттiк инспекторы Қ.Б. Байымбетов, ҚР Премьер-Министрi Кеңсесi Өңiрлiк даму бөлiмiнiң бас инспекторы Б.Б. Альмадиев, облыстық мәслихаттың депутаттары, барлық деңгейдегi әкiмдер, аудандық және қалалық мәслихаттардың хатшылары, жергiлiктi атқарушы және аумақтық органдардың басшылары, өнеркәсiп кәсiпорындарының, әлеуметтiк сала және ауыл шаруашылығы өндiрiсi салаларының, бiлiм беру мекемелерiнiң, екiншi деңгейдегi банктердiң басшылары, инвесторлардың, соғыс және еңбек ардагерлерiнiң, шағын және орта бизнес, саяси партиялардың, дiни конфессиялардың, жастар мен үкiметтiк емес ұйымдардың өкiлдерi, облыс өңiрлерiнiң тұрғындары, барлығы 620 адам қатысты.

Есеп беру кездесуiн өткiзу барысында облыс тұрғындары үшiн 2000 абоненттiң қамтылуымен кездесудiң онлайн-хабарландырылуы және «Саll-центр» жұмысы ұйымдастырылды, сол арқылы тұрғындарда нақтылы уақыт режимiнде облыс әкiмiне сұрақ қою мүмкiндiгi болды.

Кездесуде Қазақстан Республикасы Бiлiм және ғылым министрi Е.К. Сағадиев сөз сөйледi.

Облыс әкiмi есеп беру кездесуiнiң барысында 43 сұраққа жауап бердi, оның 13-i «Сall-центр» арқылы келiп түстi, олардың басым көпшiлiгiнде бiлiм беру, мәдениет объектiлерiн жөндеу, ауыз суы мен тұрғын үй, жер қатынастары мәселелерi қозғалды. 9 ұсыныс айтылды.

Облыс әкiмiнiң атына келiп түскен барлық сұрақтар мен оларға берiлген жауаптар облыстық БАҚ-тарда жарияланды және облыс әкiмiнiң сайтына орналастырылды.

Облыс әкiмiнiң халыққа қорытынды есеп беру кездесуi республикалық, облыстық және өңiрлiк БАҚ-тарда жарияланды.

Тұтастай алғанда, облыстың барлық деңгейдегi әкiмдерiнiң халыққа есеп беру кездесулерi iскери ахуалда және сындарлы көңiл-күйде өттi.

Азаматтар өздерiнiң сөз сөйлеулерiнде Елбасымен жүргiзiлiп отырған саясатты, оның «Қазақстанның үшiншi жаңғыруы: жаһандық бәсекеге қабiлеттiлiк» атты Қазақстан халқына арнаған Жолдауында айқындалған негiзгi мiндеттердi толығымен қолдайтындықтарын бiлдiрдi.

1-нысан Ақмола облысы бойынша аудандық маңызы бар қалалар, ауылдық округтер, кенттер мен ауыл әкімдерінің есеп беру кездесулері туралы  МӘЛІМЕТ (DOC 48 Kb)

Ақмола облысы бойынша аудандық маңызы бар қалалар, ауылдық округтер, кенттер мен ауыл әкімдерінің есеп беру кездесулері туралы (XLS 81 Kb)  

 

Ақмола облысы әкiмдiгiнiң
2017 жылғы _______
№________қаулысымен
бекiтiлдi

Ақмола облысының барлық деңгейдегi әкiмдерiнiң
2017 жылғы қаңтар-ақпандағы халыққа есеп беру кездесулерiнде айтылған ұсыныстарды жүзеге асыру жөнiндегi
iс-шаралар жоспары

№р/б Тапсырманың мазмұны Орындау мерзімі Орындаушылар Ескерту
Көкшетау қаласы
1. Көкшетау қ. Неке қию сарайының құрылысын аяқтасын 2017 жылғы20 желтоқсанға дейін Көкшетау қаласының әкімдігі  
2. Көкшетау қ. Әуезов көшесінде 280 орындық балабақша құрылысын салуға қаржы бөлу мүмкіндігін қарастырсын 2017 жылғы1 сәуірге дейін «Ақмола облысының экономика және бюджеттік жоспарлау басқармасы» мемлекеттік мекемесі,Көкшетау қаласының әкімдігі  
3. Көкшетау қ. №18 орта мектебінде 420 орындық жапсаржай құрылысын салуға қаржы бөлу мүмкіндігін қарастырсын 2017 жылғы1 сәуірге дейін «Ақмола облысының экономика және бюджеттік жоспарлау басқармасы» мемлекеттік мекемесі,Көкшетау қаласының әкімдігі  
4. Көкшетау қаласында 900 орындық типтік мектеп құрылысын салуға қаржы бөлу мүмкіндігін қарастырсын 2017 жылғы1 сәуірге дейін «Ақмола облысының экономика және бюджеттік жоспарлау басқармасы» мемлекеттік мекемесі,Көкшетау қаласының әкімдігі  
Степногорск қаласы
5. Парковая көшесінде автомобиль жолы құрылысының жұмыстарын аяқтасын 2017 жылғы1 қарашаға дейін Степногорск қаласының әкімдігі  
Бұланды ауданы
6. Ерголка ауылдық округі Тоқтамыс орта мектебі ғимаратына күрделі жөндеу жасасын 2017 жылғы30 қарашаға дейін «Ақмола облысының білім басқармасы» мемлекеттік мекемесі,Бұланды ауданының әкімдігі  
Есіл ауданы
7. Бізұлық – Алматы (0-9,5 км) жолына орташа жөндеу жасасын 2017 жылғы30 қарашаға дейін «Ақмола облысының жолаушылар көлігі және автомобиль жолдары басқармасы» мемлекеттік мекемесі  
Жақсы ауданы
8. Республикалық маңызы бар «Алматы-Екатеринбург» жол учаскесін (856-963 км) күтіп ұстау 2017 жылғы20 желтоқсанға дейін «Ақмола облысының жолаушылар көлігі және автомобиль жолдары басқармасы» мемлекеттік мекемесі,Жақсы ауданының әкімдігі  
Целиноград ауданы
9. Қызылсуат ауылы мектебінің құрылысын аяқтасын 2017 жылғы1 қыркүйекке дейін Целиноград ауданының әкімдігі  
10. Қаражар ауылы мектебінің құрылысын аяқтасын 2017 жылғы1 қыркүйекке дейін Целиноград ауданының әкімдігі  
Дата создания статьи: 03.02.2017 16:37
Дата обновления статьи: 15.05.2017 18:14
@2017 Ақмола облысының ресми интернет-ресурсы
Яндекс.Метрика

Пошталық мекенжайы:

Телефон:

Факс:

Электрондық пошта адресі:

Қазақстан Республикасы, Ақмола облысы, Көкшетау қаласы, Абай көшесі, 83,
индексі: 020000

8 (7162) 29-72-71, 29-72-49, 29-72-43, 29-72-44

8 (7162) 29-72-98

akim@akmo.kz

Мемлекеттік қызметтерді көрсету мәселелері бойынша келесі телефондар бойынша хабарласуға болады: 8 (7162) 29-72-25, 29-72-54, 29-72-23