A- A A+
Ақмола облысының
ресми интернет-ресурсы
Тілдерді дамыту бойынша

Ақмола облысында Қазақстан Республикасында тiлдердi дамыту мен қолданудың 2011-2020 жылдарға арналған мемлекеттiк бағдарламасын iске асыру жөнiндегi 2014-2016 жылдарға арналған iс-шаралар жоспарының орындалуы туралы ақпарат

Мемлекеттiк бағдарламаның 2-кезеңiне, яғни 2014-2016 жылдарға арналған облыстық iс-шаралар жоспары облыс әкiмдiгiнiң 13.03.2014 жылғы №А-3/84 қаулысымен бекiтiлдi. Аталмыш жоспарда белгiленген 4 негiзгi бағыт бойынша 2016 жыл бойынша төмендегiдей iстер атқарылды:

I бағыт. Мемлекеттiк тiлдi меңгеру.

Мақсатты индикатор:

Мемлекеттiк тiлдi меңгерген ересек тұрғындардың үлесi (2015 жылы — 62%, 2016 жылы — 64%, 2020 жылы — 75%)

Аймақтарды дамыту жоспарына сәйкес, 2014 жылы 60%-ды, 2015 жылы 62%-ды құрады, 2016 жылы бұл көрсеткiш 67,3 % құрап отыр.

Мақсатты индикаторлар:

Мемлекеттiк тiлдi оқып жатқандар санының өсуi (2015 жылы — 11%, 2016 жылы — 12%, 2020 жылы — 16%)

Орыс тiлiн меңгерген ересек тұрғындардың үлесi (2015 жылы — 81,4%, 2016 жылы — 81,6%, 2020 жылы — 86,1%)

Бiлiм саласы.

Балабақшалар. Бүгiнде облыста 211 балабақша бар, оның 67-i қазақ тiлдi, 117-i аралас тiлдi, 27-сi орыс тiлдi балабақшалар. Оларда жалпы саны 26596 бүлдiршiн оқиды, оның 16398-i (62,5%) қазақ тiлiнде тәрбиеленедi.

Мектепке дейiнгi мекемелер. Шағын орталықтарға келсек, олардың жалпы саны облыс бойынша — 376. Олардың 176-i қазақ тiлiнде, 42-i аралас тiлде, 158-i орыс тiлiнде бiлiм бередi. Бұл мекемелерде 9261 бүлдiршiн тәрбиеленуде, оның 4088-i (44,5%) қазақ тiлдi топтарда оқиды.

Орта мектептер. Биыл облыс бойынша 572 орта мектеп бар, оның iшiнде қазақ мектептерi — 161, аралас мектептер — 221, орыс мектептерi — 190. Оқушылардың жалпы саны — 114695, оның 54597-i, яғни 48%-ы қазақ сыныптарында оқиды. Соңғы бес жылда қазақ сыныптарында оқитын балалар санының динамикасы келесiдей: 2012 жылы — 43%, 2013 жылы — 44,7%, 2014 жылы — 46%, 2015 жылы — 47%, 2016 жылы — 48%;

Мақсатты индикатор:

Мемлекеттiк тiлдi В-1 деңгейде меңгерген мектеп түлектерiнiң үлесi (2015 жылы — 43,6%, 2016 жылы — 45,8%, 2020 жылы — 55%)

2015-2016 оқу жылы бойынша мектеп түлектерiнiң саны 4329 адамды құрады, оның 1986 (45,8%) мемлекеттiк тiлдi В-1 деңгейде меңгерген.

Колледждер. Қазiр облыста 39 колледж бар (қазақ тiлдi — 1, аралас тiлдi — 27, орыс тiлдi — 11). Оларда оқитын 20983 студенттiң 6113-i, яғни 29%-ы қазақ тiлiнде бiлiм алуда, 2011 жылы бұл көрсеткiш 21% болатын.

Мақсатты индикатор:

Мемлекеттiк тапсырыс шеңберiнде оқытылып жатқан болашақ қазақ тiлi пәнi оқытушыларының саны (2015 жылы — 422 адам, 2016 жылы — 466 адам, 2020 жылы — 520 адам)

Бүгiнде облыстың колледждерiнде 285, және Ш. Уәлиханов атындағы КМУ-да 181 болашақ қазақ тiлi пәнi оқытушылары оқуда.

Мақсатты индикаторлар:

Облыстағы ағылшын тiлiн меңгерген тұрғындардың үлесi (2015 жылы — 5%, 2016 жылы — 6%, 2020 жылы — 10%)

үш тiлдi (мемлекеттiк, орыс және ағылшын) меңгерген тұрғындардың үлесi (2015 жылы — 3,5%, 2016 жылы — 4%, 2020 жылы — 6%)

«Қазтест» жүйесi арқылы, мемлекеттiк тiлдi В1 деңгейiнде меңгерген мемлекеттiк қызметшiлердiң үлесi (2015 жылы — 28%, 2016 жылы — 30%, 2020 жылы — 38%)

«Қазтест» жүйесi арқылы, мемлекеттiк тiлдi В1 деңгейiнде меңгерген мемлекеттiк қызмет көрсету ұйымдары қызметшiлердiң үлесi (2015 жылы — 18%, 2016 жылы — 20,5%, 2020 жылы — 24%)

«Қазтест» жүйесi арқылы, мемлекеттiк тiлдi С1 деңгейiнде меңгерген мемлекеттiк қызмет көрсету ұйымдары қызметшiлердiң үлесi (2015 жылы — 0,1%, 2016 жылы — 0,2%, 2020 жылы — 0,6%)

Орталықтардың жалпы санына шаққанда ағылшын және басқа да шет тiлдерiн үйрету бойынша қызмет көрсететiн мемлекеттiк Тiлдердi оқыту орталықтарының үлесi (2015 жылы — 89%, 2016 жылы — 89,5%, 2020 жылы — 98%)

Тiлдердi оқыту орталықтары. Қазiр облыс бойынша 20 орталық жұмыс iстейдi (17 аудандық, 2 қалалық және облыстық орталық). Олардың барлығында қазақ тiлi үйретiледi, 17-де қазақ тiлiмен қатар ағылшын тiлi үйретiледi.

2014-2015 оқу жылы мемлекеттiк тiлдi 4111 тыңдаушы оқыды. Сертификат алғандар саны 1944 тың., оның iшiнде 791 — мемлекеттiк қызметшi, 1153 — азаматтық қызметкер;

Ағылшын тiлiн оқығандар саны — 365, сертификат алғандар саны 365 тыңдаушы, оның 179- мемл. қызметшi, 186- азаматтық қызметкер.

2015-2016 оқу жылы мемлекеттiк тiлдi 4009 тыңдаушы оқыды. Сертификат алғандар саны 1220 тың., оның iшiнде 491- мемлекеттiк қызметшi, 729 — азаматтық қызметкер;

Ағылшын тiлiн оқығандар саны — 368, сертификат алғандар саны 368 тыңдаушы, оның 176- мемл. қызметшi, 192- азаматтық қызметкер.

2016-2017 оқу жылына мемлекеттiк және ағылшын тiлдерiн оқуға 4888 тыңдаушы оқып жатыр.

2016 жылдың сәуiрiнде ҚР Мәдениет және спорт министрлiгiнiң тiлдердi дамыту және қоғамдық-саяси жұмыс комитетiнiң тапсырмасы бойынша мемлекеттiк қызмет көрсету ұйымдары қызметшiлерiне «Қазтест» жүйесi бойынша тестiлеу өткiзiлдi. Тестiлеу нәтижесi бойынша 1413 тестiлеушiнiң 291-i В1 деңгейiнде тапсырса, 3-еуi С1 деңгейiнен сүрiнбестен өттi.

II бағыт. Мемлекеттiк тiлдi көпшiлiктiң қолдануына қол жеткiзу және оның пайдаланылу аясын кеңейту.

Iс-шаралар. 2016 жылы Қазақстан Республикасы Тәуелсiздiгiнiң 25 жылдығына орай «Мемлекеттiк тiл және БАҚ», «Тiл — парасат», «Ой-сана», «Тiлдарын», «Тiл мерейi», «Тiл шеберi», «Абай оқулары», «Оралхан Бөкей атындағы көркем оқу сөз шеберлерiнiң байқауы» атты облыстық iс-шаралар, «Елiмнiң бақытын тербеткен Тәуелсiздiк» атты облыстық ақындар мүшәйрасы, ҚР халқының тiлдерi күнiне орай онкүндiк, облыстық ономастикалық комиссиясының 1 отырысы өткiзiлдi.

Сондай-ақ, мемлекеттiк тiлдi насихаттау, мемлекеттiк тiлдiң қолданылу аясын кеңейту, көркем әдебиеттi насихаттауды жандандыру мақсатында өңiрдегi ақын-жазушылардың тiл туралы айтқан қанатты сөздерi жазылған 6 баннер облыс орталығының көшелерiне орнатылды.

Оқыту мәселесi бойынша 2016 жылы Сандықтау, Ақкөл, Бұланды аудандарында семинарлар және дәстүрлi тамыз кеңесi өткiзiлдi.

III бағыт. Қазақстандықтардың тiлдiк мәдениетiн көтеру.

Iс жүргiзу және БАҚ мониторингi. Облыстағы газеттерде 35 айдар мемлекеттiк тiлдi насихаттауға бағытталған. Облыстық телеарнада берiлетiн барлық хабарлардың 69%-ы, радиода 50%-ы қазақ тiлiнде таратылды. 2016 жыл бойынша тiл саясатына қатысты 548 мақала мерзiмдi басылымдарға жарияланды, оның 360-i мемлекеттiк тiлде болса, 173-i орыс тiлiнде, 15-i аралас тiлде. 2017 жылдың ақпан айы бойынша тiл саясатына қатысты 30 мақала жарияланды. Оның 24-i қазақ тiлiнде, 5-еуi орыс тiлiнде, 1-еуi аралас тiлде.

Мемлекеттiк органдардан қазақ тiлiнде шығатын iсқағаздардың үлесi

2014 жылы 94%,

2015 жылы 95%-ға жеттi,

2016 жылдың желтоқсан айы бойынша 98, 6% деңгейде тұрақтады,

2017 жылдың ақпан айы бойынша 98,1%.

Тексерiс мәселесi. 2016 жылы тiлдердi дамыту басқармасы прокуратура органдарымен бiрлесiп Зерендi, Сандықтау, Жақсы, Атбасар, Аршалы және Целиноград аудандарының 60 мемлекеттiк мекемесiн тексердi. Тексерiс қорытындысы бойынша заңдылықты бұзған лауазымды тұлғаларға прокурорлық ықпал ету қарастырылуда.

2017 жылы ҚР «Тiл туралы» Заңының сақталуын бақылаумен 95 мекеме қамтылады деп жоспар бойынша болжануда.

Мақсатты индикатор:

Тұрғындардың ономастикалық комиссиялардың жұмысындағы шешiм қабылдау процесiн талқылауда қоғамдық қолжетiмдiлiк пен ашықтық қағидаттарының сақталуы бойынша қанағаттанушылық деңгейi (2015 жылы — 75%, 2016 жылы — 80%, 2020 жылы — 90%)

Көрнекi ақпараттардың орындауын бақылау бойынша аймақтарды қамту деңгейi (2015 жылы — 40%, 2016 жылы — 55%, 2020 жылы — 100%)

Ономастика және көрнекi ақпарат құралдары. Қазақстан Республикасы Президентi Әкiмшiлiгi Басшысының келiсiмiмен 2016 жылғы 20 шiлдеде ономастика мәселесiне қойылған мораторий бiр мәртелiк амалмен алынған болатын.

Осыған орай 2016 жылы облыстық ономастика комиссиясының 2 отырысы өткiзiлдi. Онда үш жүзден аса атау беру және қайта атау туралы ұсыныстары қаралып, оның 272 қолдау тапқан.

Атап айтсақ, 2016 жылғы 21 қазанда өткен ономастикалық комиссияда 86 ұсыныс қаралып, оның 79 қолдау тапқан (Сандықтау ауданынан — 37, Атбасар ауданынан — 33, Көкшетау қаласынан — 9, Жарқайың ауданынан — 2, Целиноград ауданынан — 2, Степногорск қаласынан — 2 көше, 1 даңғыл)

Атбасар ауданының 7 ұсынысы қабылданбады.

2016 жылғы 5 желтоқсанда өткен ономастикалық комиссияда 197 ұсыныс қаралып, оның 178 қолдау тапқан (Сандықтау ауданынан — 63, Көкшетау қаласынан — 43, Есiл ауданынан — 16, Ақкөл ауданынан — 14, Шортанды ауданынан — 13, Қорғалжын ауданынан — 13, Жақсы ауданынан — 12, Бурабай ауданынан — 8, Атбасар ауданынан — 5, Ерейментау ауданынан — 5, Жарқайың ауданынан — 5 көше, Целиноград ауданынан — 1 ауылды қайта атау туралы ұсыныс қаралды).

Көкшетау қаласының — 9 (Ұлы дала, Өрiс, Қазына, Даналық, Барыс, Мәңгiлiк ел, Шуақты, Маржансу, Асар), Сандықтау ауданының — 5 (Тың, Болашақ, Нұр, Өзен, Нұр), Шортанды ауданының — 2 (Батыс, Көкмайса), Ақкөл ауданының — 1 (Жағалау), Жарқайың ауданының — 1 (Жаңа), Есiл ауданының — 1 көшесi (Достық) қабылданбай, керi қайтарылды.

2016 жылғы 12 желтоқсанда Ақмола облыстық мәслихатының сессиясында Атбасар ауданындағы Новоалександровка селолық округiн Бастау ауылдық округi, Новоалександровка селосының атауын Бастау ауылы, Целиноград ауданындағы Воздвиженка селолық округiн Нұресiл ауылдық округi, Воздвиженка селосының атауын Нұресiл ауылы деп қайта атау туралы мәселе қолдау тауып, әдiлет органдарында тiркелдi.

Сондай-ақ, Көкшетау қаласынан 3 балабақша, 1 мектеп, Атбасар ауданынан — 1 балабақша, Аршалы ауданынан — 1 мектеп, Қорғалжын ауданынан — 1 мектептi қайта атау туралы мәселе облыстық мәслихат сессиясында қаралды, қолданыстағы заңнама талаптарына сәйкес Қазақстан Республикасы Үкiметi жанындағы Республикалық ономастика комиссиясының қарауына жолданады.

2016 жылдың қараша айында Ақмола облысының Көкшетау, Степногорск қалалары мен Атбасар, Ақкөл, Жақсы, Целиноград аудандарының мәдениет және тiлдердi дамыту бөлiмдерi қаланың (ауданның) жеке кәсiпкерлерi арасында (сауда орындары, жарнама агенттiктерi, шаштараз, асхана, қоғамдық көлiк мекемелерi өкiлдерi) «Қазақстан Республикасындағы тiл туралы» ҚР Заңының сақталуы жөнiнде семинар-кеңестер, акциялар өткiздi. Семинар-кеңеске аудандық (қалалық) прокуратура өкiлдерi, мәслихат депутаттары, мемлекеттiк мекемелер мен ұйымдардың басшылары, БАҚ және жарнама агенттiктерiнiң өкiлдерi, ауылдық округ әкiмдерi қатысты.

Сонымен қатар, облыстағы 2 қала мен 17 аудандағы мәдениет және тiлдердi дамыту бөлiмдерi түсiндiру жұмыстарын жүргiздi. Шара барысында жеке кәсiпкерлерге, дүкен, сауда үйлерiнiң өкiлдерiне, барлығы 1835 объектiге деректемелер мен көрнекi ақпарат тiлiне қойылатын талаптары туралы әдiстемелiк көмек көрсетiлiп, түсiндiру жұмыстары жүргiзiлдi және Тiл заңнамалары жазылған буклеттер таратылды.

IV бағыт. Қазақстандағы лингвистикалық капиталды дамыту.

Мақсатты индикаторлар:

Ұлттық-мәдени бiрлестiктер жанында ана тiлдерiн оқу курстарымен қамтылған этностардың үлесi (2015 жылы — 20%, 2016 жылы — 24,4%, 2020 жылы — 28%)

Ана тiлдерiн үйренуде әдiстемелiк көмекпен қамтылған ұлттық-мәдени бiрлестiктерi бар этностардың үлесi(2015 жылы — 20%, 2016 жылы — 24,4%, 2020 жылы — 28%)

Ана тiлдердi оқыту. Облысымызда әрбiр ұлт өкiлiнiң өз туған тiлiн оқуы үшiн барлық жағдай жасалған. «Шаңырақ» тiлдердi оқыту мектебiнде 11 тiл, яғни қазақ, орыс, поляк, немiс, кәрiс, өзбек, ингуш, татар, армян, чуваш, әзербайжан тiлдерiнен мектеп оқушыларына дәрiс берiледi. Оқушылардың жалпы саны — 200. Бурабай ауданының «Видергебурт» немiстер коғамында күн сайын немiс тiлiн оқимын деушiлерге дәрiс берiледi. Сандықтау ауданында Красная поляна ауылының 5,7,8,11 сынып оқушылары шешен тiлi сабақтарына қатысады. Атбасар қаласында «Целина» қоғамдық қоры ақылы түрде ағылшын және немiс тiлдерiн оқытады.

Ағылшын тiлi. Мемлекеттiк бағдарламаға сәйкес 2012 жылдан берi тiлдердi оқыту орталықтары жанынан ағылшын топтарын ашу мәселесi қолға алынды. Қазiр ағылшын тiлi курстары 19 орталықтың 17-сiнде бар.

 

Ақмола облысында Қазақстан Республикасында тiлдердi дамыту мен қолданудың 2011-2020 жылдарға арналған мемлекеттiк бағдарламасын iске асыру жөнiндегi 2014-2016 жылдарға арналған iс-шаралар жоспарының орындалуы туралы ақпарат

Мемлекеттiк бағдарламаның 2-кезеңiне, яғни 2014-2016 жылдарға арналған облыстық iс-шаралар жоспары облыс әкiмдiгiнiң 13.03.2014 жылғы №А-3/84 қаулысымен бекiтiлдi. Аталмыш жоспарда белгiленген 4 негiзгi бағыт бойынша 2015 жылы төмендегiдей iстер атқарылды:

I бағыт. Мемлекеттiк тiлдi меңгеру.

Нысаналы индикатор:

  • Мемлекеттiк тiлдi меңгерген ересек тұрғындардың үлесi (2014 жылға қарай — 71%, 2015 жылға қарай — 75%, 2017 жылға қарай — 80%, 2020 жылға — 95%).

Облыста жүргiзiлген социологиялық зерттеулерге сәйкес, 2011 жылы бұл көрсеткiш 51%-ды, 2012 жылы 52%-ды, 2013 жылы 53,1%-ды құрады, 2014 жылы 60%-ға жеттi, ал 2015 жылдың аяғына дейiн бұл көрсеткiш 62%-ды құрауы тиiс.

Бiлiм саласы. Бүгiнде облыста 183 балабақша бар, оның 56-сы қазақ тiлдi, 100-i аралас тiлдi, 27-сi орыс тiлдi балабақшалар. Оларда жалпы саны 24311 бүлдiршiн оқиды, оның 15858-i (65,2%) қазақ тiлiнде тәрбиеленедi. Шағын орталықтарға келсек, олардың жалпы саны облыс бойынша — 371. Олардың 171-i қазақ тiлiнде, 41-i аралас тiлде, 159-ы орыс тiлiнде бiлiм бередi. Бұл мекемелерде 9823 бүлдiршiн тәрбиеленуде, оның 5258-i (53,5%) қазақ тiлдi топтарда оқиды.

Биыл облыс бойынша 578 мектеп бар, оның iшiнде қазақ мектептерi — 166, аралас мектептер — 223, орыс мектептерi — 189. Оқушылардың жалпы саны — 109690, оның 51794-i, яғни 47,2%-ы қазақ сыныптарында оқиды. Соңғы төрт жылдағы қазақ сыныптарында оқитын балалар санының динамикасы келесiдей: 2012 жылы — 43%, 2013 жылы — 44,7%, 2014 жылы — 46%, 2015 жылы — 47%.

Колледждердегi қазақ топтарында оқитын балалардың үлесi 2011 жылмен салыстырғанда артса да, қазақ топтарының үлесi әлi де төмен. Қазiр облыста 36 колледж бар (қазақ тiлдi — 1, аралас тiлдi — 27, орыс тiлдi — 8). Оларда оқитын 20970 студенттiң 6149-сы, яғни 29%-ы қазақ тiлiнде бiлiм алуда, 2011 жылы бұл көрсеткiш 21% болатын.

Тiлдердi оқыту орталықтары. Қазiр облыс бойынша 19 орталық жұмыс iстейдi (16 аудандық, 2 қалалық және облыстық орталық). Олардың 17-сiнде қазақ және ағылшын тiлдерi, қалғанында қазақ тiлi үйретiледi. Тiлдердi оқыту орталықтарында оқитын тыңдаушылар саны соңғы 4 жылда 2 еседей артты (2011 жылы — 2518, 2012 жылы — 3001, 2013 жылы — 4098, 2014 жылы — 4929). Биылғы оқу жылы 448 топ ашылып, 4882 тыңдаушы қабылданды, оның 2107-i мемлекеттiк қызметшi.

2015 жылы мемлекеттiк тiлдi оқыту бойынша — 1427 тыңдаушыға сертификат берiлдi, оның iшiнде 611 мемлекеттiк қызметшi. Ағылшын курсы бойынша — 365 адамға сертификат берiлдi. Оның iшiнде 179 мемлекеттiк қызметшi. Тегiн мемлекеттiк тiлдi оқыту бойынша 152 адамға сертификат берiлдi. Жалпы мемлекеттiк тiл, ағылшын тiлi және тегiн топтардан сертификат алғандардың барлығы 1944 тыңдаушыны құрады.

Мемлекеттiк бағдарламаға сәйкес, бұл орталықтардың 13-iнде мемлекеттiк тiлдi өз еркiмен меңгеремiн деушi кез келген азаматтар үшiн тегiн топтар ашылған. Ағылшын курсы 17 ауданда жұмыс iстеуде. Алдағы уақытта аталмыш курстар барлық аудандарда ашылады деп жоспарлануда.

II бағыт. Мемлекеттiк тiлдi көпшiлiктiң қолдануына қол жеткiзу және оның пайдаланылу аясын кеңейту.

Нысаналы индикатор:

  • Мемлекеттiк БАҚ-тағы қазақ тiлiндегi контенттiң үлесi (жыл сайын — 50%-дан кем емес).

Бұл бағытта облыс көлемiнде 2015 жылы «Мемлекеттiк тiл және БАҚ», «Тiл — парасат», «Ой-сана», «Тiл — тұнық ойдың кәусары», «Тiл мерейi», «Үздiк тiлдердi оқыту кабинетi», «Тiл — татулық тiрегi», «Абай оқулары», «Оралхан Бөкей» оқулары атты облыстық байқаулар, Қазақ хандығының 550 жылдығына орай «Есiм ханның ескi жолы, Қасым ханның қасқа жолы, Нұрсұлтанның нұрлы жолы» атты облыстық ақындар мүшәйрасы, «Мәңгiлiк ел — мәртебелi тiл» атты мемлекеттiк тiлдi меңгерген өзге ұлт өкiлдерiмен жастар форумы, Мемлекеттiк бағдарламаның нәтижелерi бойынша облыстық кеңес, ҚР халқының тiлдерi күнiне орай апталық, облыстық ономастикалық комиссиясының 2 отырысы өткiзiлдi.

Сондай-ақ, 2015 жылы 6 билборд әзiрленiп, Көкшетау қаласы көшелерiнде iлiндi, дәстүрлi «Өңiрлiк тiл саясаты: белестен белеске — 2015» жинағы шығарылу үстiнде.

Оқыту мәселесi бойынша тамыз кеңесi, Атбасар, Бұланды, Егiндiкөл, Жарқайың және Еңбекшiлдер аудандарында өңiрлiк көшпелi практикалық семинарлар өткiзiлдi.

БАҚ ахуалы. Облыстағы газеттерде 35 айдар мемлекеттiк тiлдi насихаттауға бағытталған. Облыстық телеарнада берiлетiн барлық хабарлардың 69%-ы, радиода 50%-ы қазақ тiлiнде таратылды. «Елi бiрдiң — тiлi бiр» бағдарламасы тiл саясатына бағытталған. 2015 жылы мемлекеттiк тiлдi насихаттау мақсатында 716 мақала жарияланды, оның 493-i қазақ тiлiнде, 209-ы орыс тiлiнде.

III бағыт. Қазақстандықтардың тiлдiк мәдениетiн көтеру.

Iс жүргiзу. Мемлекеттiк органдардан шығатын iсқағаздардың үлесi 2011 жылы 86%, 2012 жылы 90%-ды құраса, 2013 жылы 92%-ға жоғарылап, 2014 жылдың қорытындысы бойынша 94%-ды құрап, 2015 жылы аталмыш көрсеткiш 95%-ды көрсетiп отыр. Бұл көрсеткiштiң 2005 жылы 20%-ды құрағанын ескерсек, жағымды динамиканың бар екендiгiн атап өтуге болады.

Тексерiс мәселесi. Тiл заңнамасының сақталуын бақылау мақсатында прокуратура органдарымен бiрлесiп, 2015 жылдың басынан облыс әкiмдiгiнiң 03.12.2014 ж. №А-11/584 қаулысы негiзiнде Көкшетау қаласындағы 13 мемлекеттiк мекемеде, Астрахан және Қорғалжын аудандарындағы 20 мекемеде тексерiс жұмыстары жүргiзiлдi. Аталмыш мекемелер бойынша жауапты лауазымды тұлғаларды жауапкершiлiкке тарту шаралары прокуратура органдары тарапынан қарастырылу үстiнде.

Ономастика. Облыс бойынша 637 елдi мекен атауының 348-i (54,6%), 5876 көшенiң 2489-ының атауы қазақ тiлiнде (42,3%). Қазақстан Республикасы Премьер-Министрiнiң орынбасары Б. Сапарбаевтың 2015 жылғы 16 сәуiрдегi тапсырмасына сәйкес Ұлы Жеңiстiң 70 жылдығының маңыздылығы мен өзектiлiгiн ескере отырып, Кеңес Одағы Батырларының және бiрқатар ордендермен марапатталған Ұлы Отан соғысы ардагерлерiнiң есiмдерiн көшелерге, объектiлерге т.б. берудi тоқтамнан (мораторий) тыс жұмыстарын жүргiзуге рұқсат берiлдi. Осыған орай 2015 жылдың бiрiншi жартыжылдығында облыс бойынша 4 көше қайта аталды. Атап айтқанда Атбасар ауданы Октябрь ауылдық округi мен Октябрь ауылы Ақан Құрманов ауылдық округi мен Ақан Құрманов ауылына, Атабасар ауданы Шұңқыркөл ауылдық округi Новомариновка аулының №4 көшесi Мәншүк Мәметова көшесiне, Ақкөл ауданы Ақкөл қаласының Октябрьская көшесi Шегебай Ұзақбаев көшесiне, Есiл ауданы Есiл қаласының Новая көшесi Нұркен Әбдiров көшесiне, Целиноград ауданы Оразақ ауылының Бейбiтшiлiк көшесi Әбдуәли Тоқбаев көшесiне, Целиноград ауданы Қосшы ауылының Центральная көшесi Генерал Сабыр Рахымов көшесiне, Набережная көшесi Айтмағамбет Есмағамбетұлы көшесiне қайта аталды.

Көрнекi ақпарат. ҚР Президентiнiң «Қазақстан Республикасында кәсiпкерлiк қызмет үшiн жағдайды жақсарту жөнiндегi түбегейлi шаралар туралы» 2014 жылғы 27 ақпандағы №757 Жарлығымен 2014 жылдың 2 сәуiрiнен бастап 2015 жылдың 1 қаңтарына дейiн жеке кәсiпкерлiк саласында жүргiзiлетiн барлық бақылау және қадағалау жұмыстарына мораторий жарияланды. Осы ретте республика көлемiнде жеке кәсiпкерлiк субъектiлерiне тиесiлi сыртқы (көрнекi) жарнамаларды бақылау және қадағалау жұмыстарын жүргiзуге де тыйым салынған. Сол себептi 2014 жылға Басқарма тарапынан жоспарланған көрнекi ақпарат тiлiн бақылауға арналған тексерулер iске асырылмады. Бүгiнгi таңда қолданыстағы заңнама талаптары бойынша тек белгiлi нысанға арыз-шағым түскен кезде ғана тексерiс жүргiзуге рұқсат етiлген.

Қазiрде облыс бойынша сауатсыз жарнамалардың орналастырылуын болдырмау мақсатында жеке кәсiпкерлер, жарнама агенттiктерi және прокуратура қызметкерлерiнiң қатысуымен семинарлар өткiзiлуде.

IV бағыт. Қазақстандағы лингвистикалық капиталды дамыту.

Нысаналы индикаторлар:

  • Облыс бойынша орыс тiлiн меңгерген ересек тұрғындардың үлесi (2020 жылға қарай — 90%);
  • Ұлттық-мәдени бiрлестiктер жанындағы ана тiлдерiн оқыту курстарымен қамтылған этностардың үлесi (2020 жылға қарай — 90%);
  • Облыстағы ағылшын тiлiн меңгерген тұрғындардың үлесi (2020 жылға қарай 20%);
  • Үш тiлдi (мемлекеттiк, орыс және ағылшын) меңгерген тұрғындардың үлесi (2020 жылға қарай 15%).

Ана тiлдердi оқыту. Облысымызда әрбiр ұлт өкiлiнiң өз туған тiлiн оқуы үшiн барлық жағдай жасалған. «Шаңырақ» тiлдердi оқыту мектебiнде 8 тiл, яғни қазақ, орыс, поляк, немiс, кәрiс, ингуш, татар, армян тiлдерi, Астрахан ауданы мен Көкшетау қаласында поляк тiлi, Көкшетау және Степногорск қалалары мен Бурабай, Сандықтау, Бұланды, Атбасар аудандарында немiс тiлi оқытылады.

Ағылшын тiлi. Мемлекеттiк бағдарламаға сәйкес 2012 жылдан берi тiлдердi оқыту орталықтары жанынан ағылшын топтарын ашу мәселесi қолға алынды. Қазiр ағылшын тiлi курстары 19 орталықтың 17-сiнде бар.

Мемлекеттiк бағдарламаның нәтиже көрсеткiштерi:

  • мемлекеттiк тiлдi меңгерген ересек тұрғындардың үлесi 2014 жыл — 60%, 2015 жылы — 62 %; 2016 — 64
  • аккредиттеуден өткен оқыту орталықтарының үлесi 2014-2015 жылдары 5%-ды құрады;
  • орталықтарда оқитын тыңдаушылар саны 2011 жылмен салыстырғанда 2 есеге артты;
  • облыстық телеарнада берiлетiн барлық хабарлардың мемлекеттiк тiлдегi үлесi 2014-2015 жылдары 69%-ға, радиода 50%-ға артты;
  • облыс бойынша орыс тiлiн меңгерген ересек тұрғындардың үлесi 2014-2015 жылдары — 86%;
  • ұлттық-мәдени бiрлестiктер жанындағы ана тiлдерiн оқыту курстарымен қамтылған этностардың үлесi 2014-2015 жылдары — 20%;
  • облыстағы ағылшын тiлiн меңгерген тұрғындардың үлесi 2014 жыл — 4,5%, 2015 жылы — 5%;
  • үш тiлдi меңгерген тұрғындардың үлесi 2014 жылы — 3%, 2015 жылы — 3.5%;
  • орталықтардың жалпы санына шаққанда ағылшын тiлiн үйрету бойынша қызмет көрсететiн тiлдердi оқыту орталықтарының үлесi 2014-2015 жылдары — 89%.
Дата создания статьи: 19.10.2015 12:59
Дата обновления статьи: 18.04.2017 09:29
@2017 Ақмола облысының ресми интернет-ресурсы
Яндекс.Метрика

Пошталық мекенжайы:

Телефон:

Факс:

Электрондық пошта адресі:

Қазақстан Республикасы, Ақмола облысы, Көкшетау қаласы, Абай көшесі, 83,
индексі: 020000

8 (7162) 29-72-71, 29-72-51, 29-72-49, 29-72-43, 29-72-44

8 (7162) 29-73-10

akim@akmo.kz

Мемлекеттік қызметтерді көрсету мәселелері бойынша келесі телефондар бойынша хабарласуға болады: 8 (7162) 29-72-25, 29-72-54, 29-72-23