Туризм

2018 жылдың қаңтар-наурыз айларында
облыс туризмiн дамыту туралы
АҚПАРАТ

Ақмола облысында демалыс және туризм индустриясы экономиканың басым салаларының бiрi болып табылады. Облыстың туристiк кластерiне шамамен 700-дей туризм саласының кәсiпорны енедi (338 орналастыру объектiлерi, 11 санаторлық-курорттық ұйымдар, жол бойындағы сервистiң 266 субъектiсi, туристiк қызмет көрсетуге құқық беретiн лицензиясы бар 68 туристiк фирма, «Бурабай», «Бұйратау», «Көкшетау» мемлекеттiк ұлттық табиғи үш парктерi, Қорғалжын мемлекеттiк табиғи қорығы, «Бурабай даму» ЖШС).

Мәдени-тарихи сегмент кластерiне 900 ескерткiш ұсынылған, олардың iшiндегi iрi ескерткiштер мемлекеттiң қорғауында және экскурсиялық бағдарламаларды қамтамасыз етуге пайдаланылады. Туризмдi дамытудың басымды бағыттарына экологиялық, мәдени танымдық, емдеу-сауықтыру, iскерлiк, спорттық, экстремальдi және басқа бағыттар жатады. Бүгiнгi таңда барлық туризм түрлерi облыстың дамуы үшiн жұмыс iстейдi, оны өңiрдiң туроператорлары жүзеге асырған 80 туристiк бағыттан көруге болады және облыстың туристiк операторларымен табысты iс асырылуда.

Туризм саласының дамуы: 2018 жылы 3 туристiк объектiнiң пайдалануға берiлуi жоспарлануда: Зерендi көлi жиегiндегi «Тамилла» демалыс үйi және «Бибi сара» демалыс базасы, Бурабай к. хауыз бен мейрамханасы бар қонақ үй кешенi, жалпы сомасы 494 млн. тг.

Туристiк кластердi дамытудың перспективалары кiрме және iшкi туризм болуы қажет. Ол үшiн Бурабай курортының жыл бойы жұмыс жасауына қажеттi шаралар қабылдау керек. Бұл үшiн «Four seasons» тұжырымдамасы енгiзiлуде, оған 30-дан аса iс-шаралар енгiзiледi, оларға өз ресурстары мен қосымша қаражат пен жеке инвестициялар қарастырылуда.

Инфрақұрылымдық мәселелердi кешендi шешу мақсатында Ақмола облысының Щучинск-Бурабай курорттық аймағын дамыту жоспарының II кезеңi iске асырылды. Қазiргi кезеңде 61,4 млрд. тенгеге Жоспардың III кезеңi iске асырылуда.

Аймақтың туристiк әлеуетiн дамыту мақсатында, соның iшiнде «Бурабай» курорты және туристер демалысын қызықты iс-шаралар және оқиғалармен толықтыру мақсатында, имидждi қалыптастыру, сонымен қатар, аймақтық туризмдi ақпараттық жылжыту бойынша жұмыс мемлекет iшiнде және шекарада тұрақты негiзде жүргiзiлуде.

Интернет-алаңдарда Бурабай курортын ауқымды көлемде жылжыту мақсатында, әлеуметтiк желiлерде, танымал брондау жүйелер бойынша, аймақтық брендтi құру үшiн «Visit Aqmola» туристiк ақпараттық орталық (ТАО) жұмыс iстейдi, маркетинг және туристiк өнiмдi сату үшiн қолайлы жағдай жасайды.

Ағымды жылдың қаңтар мен наурыз аралығында Ақмола облысының «Visit Aqmola» туристiк ақпараттық орталықпен келесi ақпараттық турлар өткiзiлдi:

1. Пегас Touristic Ресей туроператоры үшiн,

2. Тайвань аралының туроператорлары үшiн,

3. Өзбекстан туроператорлары үшiн.

Және де, 2018 жылдың наурыз айында отандық және шетелдiк БАҚ өкiлдерi үшiн баспасөз-тур және қытай Travel-блогерлерi үшiн блог-тур «Бурабай Даму» ЖШС, «Chinese Friendly Kazakhstan» компаниясы және «Kazakh Tourism» ҰК» АҚ бiрлесiп өткiзiлдi.

Ақмола облысының шипажайлары мен курорттары бойынша Маңғыстау облысының туризм басқармасы, кәсiподақ және туроператорлар өкiлдерi үшiн таныстыру туры өткiзiлдi.

2018 жылғы жұмыстың негiзгi бағыттары:

- Ақмола облысында туризм индустриясын дамытудың 2017-2019 жылдары арналған iс-шаралар жоспарын iске асыру;

- Қызмет көрсету көлемiн және келушiлердiң санын ұлғайту үшiн туризм, кәсiпкерлiк және өнеркәсiп басқармасымен, облыс әкiмдiгiмен бiрлесе отырып, курорттық жүйенi жыл бойғы жүктеу шараларын қабылдау, сондай-ақ облыстың туристiк әлеуетiн ақпараттық-насихаттау, iшкi және кiру туризмiн дамыту үшiн туристiк бағыттарды тиiмдi пайдалану жөнiндегi жұмысты жандандыру;

- Аймақтағы туризм және демалыс саласындағы инновациялық жобаларды жүзеге асыру үшiн отандық және шетелдiк инвесторларды iздестiру және тарту жұмыстарын жандандыру;

- Қазақстанның өңiрлерi және Ресей Федерациясының iргелес аумақтарымен ынтымақтастықты кеңейту, Қазақстан мен Ресей Федерациясының туроператорлары үшiн халықаралық ақпараттық-жарнамалық турларды дайындау және өткiзу;

- Ақмола облысына туристердiң легiн ұлғайту мақсатында оқиғалы туризмдi дамыту жөнiнде шаралар қабылдау.

Құрылған күні: 16.04.2015 18:00
Жаңартылған күні: 06.04.2018 15:39
Қаралым саны: 3591

Қаз Рус Eng